රජයේ පඩි ගෙවන්න, රජයේ තෙල් ගහන්න සල්ලි නෑ.. චීනයෙන් බිලියනයක් ණය ගන්න යනවා.. අද රතුළුණු මංකොල්ල කනවා..

අද වන විට රට විශාල මූල්‍ය අර්බුදයකට පත්ව ඇති බව එක්සත් ජාතික පක්ෂයේ පාර්ලිමේන්තු මන්ත්‍රී හරීන් ප්‍රනාන්දු මහතා සඳහන් කරයි. රජයේ සේවකයන්ගේ වැටුප් පවා ගෙවා ගැනීමට නොහැකි තත්ත්වයටත් රාජ්‍ය ආයතන වල ඉන්ධන වියදම ද සොයාගැනීමට නොහැකි තත්ත්වයට අද පත්ව ඇතැයිද ඔහු පවසයි. මේවා පියවා ගැනීම සඳහා චීන රජයෙන් ඇමෙරිකානු ඩොලර් බිලියන 01ක ණය මුදලක් ලබාගැනීමට සූදානම් වන බවද ඔහු කියා සිටියේය. කොහෙන් හෝ මුදල් ගෙනැවිත් වැඩ කරන ලෙසත් නමුත් ජනතාව ණය නොකරන ලෙසත් ඉල්ලා සිටි ඔහු තෙල් මිල වැඩි නොකරන ලෙසද රජයේ සේවකයන්ගේ වැටුප් කප්පාදු නොකරන ලෙසද ඉල්ලා සිටියේය. අද වන විට ලංකාව රතුලූනු මංකොල්ල කන රටක් බවට පත්ව ඇතැයිද කී ඔහු 69 ලක්ෂයක් පැතූ වෙනස මේ දැයි ප්‍රශ්න කළේය.